17 აპრილი 2025
IDP 2 25 00433570
მოქალაქე გოჩა რობაქიძეს
მის.: თერჯოლის მუნიციპალიტეტი, სოფელი ეწერი
555 747732
ელფოსტა: xxxxxxxxxxxxxxxxxxxxxxxxx@xxxxxx.xx
ბატონო გოჩა,
თქვენი 24.03.2025 წლის N321629 განცხადების პასუხად გაცნობებთ, რომ თქვენი ოჯახი არ ფიქსირდება
სტიქიური მოვლენების შედეგად დაზარალებული და გადაადგილებას დაქვემდებარებული ოჯახების
(ეკომიგრანტების) ერთიან ელექტრონულ მონაცემთა ბაზაში.
სააგენტო სტიქიური მოვლენების შედეგად დაზარალებული და გაადგილებას დაქვემდებარებული ოჯახებს
ეხმარება ალტერნატიული საცხოვრებელი სახლის შესყიდვაში, საქართველოს ოკუპირებული
ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის 2013
წლის 13 ნოემბრის N779 ბრძანებით დადგენილი განსახლების კრიტერიუმებისა და პროცედურების
საფუძველზე. სტიქიური მოვლენების შედეგად დაზარალებულ და გადაადგილებას დაქვემდებარებულ
ოჯახად (ეკომიგრანტად) ჩაითვლება ოჯახი, რომლის საცხოვრებელი სახლი ან მისი ნაწილი დანგრეულია ან
დაზიანებულია და არ ექვემდებარება აღდგენას ან/და სახლი არ არის დანგრეული, მაგრამ მიმდებარე
ტერიტორიაზე არსებული სტიქიური მოვლენები - მეწყერი, ღვარცოფი, კლდეზვავი, ქვათაცვენა,
მდინარეების ნაპირების გარეცხვა, თოვლის ზვავი, ჯდენადი გრუნტი (გარდა მიწისძვრისა და ვულკანისა) -
საფრთხეს უქმნის იქ მცხოვრებ ადამიანთა სიცოცხლეს, ჯანმრთელობასა და მათ საკუთრებაში არსებულ
ქონებას. თუ თქვენ საკუთრებაში (რაც უნდა დასტურდებოდეს საჯარო რეესტრის ამონაწერით) არსებული
საცხოვრებელი სახლი დაზიანებულია რომელიმე ზემოაღნიშნული სტიქიის შედეგად, განსახლების
სურვილის შემთხვევაში, განაცხადის შესავსებად და შემდგომი პროცედურების დაწყების მიზნით, ოჯახის
წარმომადგენლები უნდა გამოცხადდნენ შემდეგი მისამართებიდან ერთ-ერთზე:
1. ქ. თბილისი - თამარაშვილის 15ა (სსიპ - დევნილთა, ეკომიგრანტთა და საარსებო წყაროებით
უზრუნველყოფის სააგენტო);
2. ქ. ზუგდიდი - აღმაშენებლის N106 (სსიპ - დევნილთა, ეკომიგრანტთა და საარსებო წყაროებით
უზრუნველყოფის სააგენტოს სამეგრელოს, ზემო სვანეთის, გურიისა და აჭარის ტერიტორიული
სამმართველო);
3. ქ. ქუთაისი - ირაკლი აბაშიძის N27 (სსიპ - დევნილთა, ეკომიგრანტთა და საარსებო წყაროებით
უზრუნველყოფის სააგენტოს იმერეთის, რაჭა-ლეჩხუმისა და ქვემო სვანეთის ტერიტორიული
სამმართველო);
4. ქ. ბათუმი - მამია კომახიძის N119 (აჭარის ა/რ ჯანმრთელობისა და სოციალური დაცვის სამინისტრო);
ასევე, განაცხადის შევსება შესაძლებელია იუსტიციის სახლებში.
• თუ ოჯახის რომელიმე წევრი, ვერ ახერხებს აღნიშნულ მისამართებზე გამოცხადებას, ოჯახის ერთ-ერთმა
წევრმა უნდა წარმოადგინოს სხვა წევრის/წევრების ნოტარიულად დამოწმებული რწმუნებულება
(მინდობილობა);
• ოჯახის არასრულწლოვანი წევრების დაბადების მოწმობები.
განაცხადის შევსების შემდეგ, საქართველოს ოკუპირებული ტერიტორიებიდან იძულებით გადაადგილებულ
პირთა, განსახლებისა და ლტოლვილთა მინისტრის 2013 წლის 13 ნოემბრის N779 ბრძანებით
გათვალისწინებული კრიტერიუმების შესაბამისად, ოჯახს მიენიჭება სარეიტინგო ქულა, რომელიც
განსაზღვრავს რიგითობას, სტიქიით დაზარალებული ოჯახების დახმარების საკითხის განხილვისას.
რაც შეეხება განცხადებაში დასმულ საკითხს კომპენსაციის გაცემასთან დაკავშირებით მოგახსენებთ , რომ ამ
მიმართულებით სააგენტოში თანხები არ არის გათვალისწინებული.
პატივისცემით,
დეპარტამენტის უფროსის მოვალეობის
შემსრულებელი
ვლადიმერ ქებაძე
