*SSG22400221699*
SSG 2 24 00221699
03/10/2024
ბატონ მათე კონჯარიას
ტელეფონი: 555 00 02 13
ელფოსტა: xxxxxxxxxxxxxxxxxxxxxxxxx@xxxxxx.xx
ბატონო მათე,
2024 წლის 23 სექტემბრის განცხადების პასუხად, გაცნობებთ, რომ სახელმწიფო
უსაფრთხოების სამსახური ფინანსდება სახელმწიფო ბიუჯეტიდან.
საქართველოს ზოგადი ადმინისტრაციული კოდექსის მე-3 მუხლის მე-4 ნაწილის თანახმად,
კოდექსის მოქმედება არ ვრცელდება აღმასრულებელი ხელისუფლების ორგანოთა იმ
საქმიანობაზე, რომელიც დაკავშირებულია დანაშაულის ჩადენის გამო პირის
სისხლისსამართლებრივ დევნასთან, სისხლის სამართლის საქმის წარმოებასთან და
ოპერატიულ-სამძებრო საქმიანობასთან.
საჯარო ინფორმაციის პროაქტიული გამოქვეყნების მიმართულებით სახელმწიფო
უსაფრთხოების სამსახურს ხარჯი არ გაუწევია.
აქვე გაცნობებთ, რომ 2021-2023 წლებში, სახელმწიფო უსაფრთხოების სამსახურის
ინიციატივით, სხვადასხვა უწყებისა და ადგილობრივი თვითმმართველობის ორგანოების
წარმომადგენლებისათვის ჩატარდა საინფორმაციო/ ცნობიერების ამაღლების შეხვედრები,
რომლებიც ეხებოდა კორუფციისა და სამოხელეო დანაშაულების პრევენციის, გამოვლენის,
აღკვეთისა და გამოძიების საკითხებს სამსახურის კომპეტენციის შესაბამისად. საერთო ჯამში
გაიმართა 10 საინფორმაციო შეხვედრა, რომლებშიც მონაწილეობა მიიღო 300-მა საჯარო
მოხელემ.
საინფორმაციო შეხვედრები ჩაატარეს კორუფციის წინააღმდეგ ბრძოლის სფეროში
სახელმწიფო უსაფრთხოების სამსახურის გამოცდილმა ექსპერტებმა. ღონისძიებები
განხორციელდა საქართველოში ევროპის საბჭოს წარმომადენლობის მხარდაჭერით,
ევროკავშირის „პარტნიორობა კარგი მმართველობისთვის“ (PGG) პროექტის - „კორუფციის,
ფულის გათეთრებისა და ტერორიზმის დაფინანსების წინააღმდეგ ბრძოლისა და პრევენციის
სისტემების გაუმჯობესება საქართველოში" - ფარგლებში.
ამასთან, 2024 წელს, სახელმწიფო უსაფრთხოების სამსახურის ანტიკორუფციულმა
სააგენტომ წამოიწყო საგანმანათლებლო დაწესებულებებში ცნობიერების ამაღლების ახალი
ინიციატივა. ორი საინფორმაციო შეხვედრა გაიმართა გორის სახელმწიფო უნივერსიტეტისა
და იაკობ გოგებაშვილის სახელობის თელავის სახელმწიფო უნივერსიტეტის 300-მდე
სტუდენტისთვის. შეხვედრებს უძღვებოდა სამსახურის ანტიკორუფციული სააგენტოს ხუთი
ექსპერტი. აღნიშნულ შეხვედრების ორგანიზება ფინანსური ხარჯების გაწევას არ
საჭიროებდა.
პატივისცემით,
სახელმწიფო უსაფრთხოების სამსახურის
ადმინისტრაციის უფროსი
ნანა ბერიძე