![](./foiextract20240619-3232-8r5o8u-N_N.png)
18 ივნისი 2024
NCDC 9 24 00657841
ქალბატონ ანა აბაშიძეს
ქალბატონო ანა,
ცენტრში მიმდინარე წლის 8 ივნისს შემოსული თქვენი წერილის პასუხად, რომელიც შეეხებოდა თამბაქოსათვის თავის
დანებების ცხელი ხაზის შესახებ ინფორმაციას, გაცნობებთ, რომ ჯანმრთელობის დაცვის სახელმწიფო პროგრამების
დამტკიცების თაობაზე საქართველოს მთავრობის დადგენილებების საფუძველზე, ცენტრი ყოველწლიურად
ახორციელებს “ჯანმრთელობის ხელშეწყობის“ სახელმწიფო პროგრამას, რომლის ერთერთი მნიშვნელოვანი კომპონენტია
„თამბაქოს მოხმარების კონტროლის გაძლიერება“. აღნიშნული კომპონენტის მიზანია საზოგადოების ცნობიერების
ამაღლება თამბაქოს საკითხებზე, თამბაქოს კანონმდებლობის აღსრულების ხელშეწყობა და თამბაქოს მოხმარების
შეწყვეტისთვის დახმარების გაუმჯობესება.
კომპონენტის ფარგლებში ფუნქციონირებს თამბაქოსათვის თავის დანებების ცხელი ხაზი 116 001, რომელიც
ხელმისაწვდომია ყოველ დღე, შაბათ-კვირის ჩათვლით 10:00 სთ-დან 18:00 სთ-მდე. სერვისი მოიცავს თამბაქოსათვის
თავის დანებების ფსიქოლოგიურ კონსულტაციებს, კონსულტაციებს მედიკამენტოზური მკურნალობის სერვისებისა და
აგრეთვე, საკანონმდებლო რეგულაციების შესახებ.
2018 წლის 1 იანვრიდან 2024 წლის 30 აპრილის ჩათვლით ცხელ ხაზზე განხორციელდა 21 146 კონსულტაცია.
ცხელ ხაზზე განხორციელებული კონსულტაციების
რაოდენობა წლების მიხედვით
2018
2019
2020
2021
2022
2023
2024
3001
4064
2875
2184
3372
4410
1240
თამბაქოსათვის თავის დანებების გაუმჯობესების მიზნით სერვისის ფარგლებში 2022 წლის მაისიდან დაინერგა
კონსულტაციის შემდგომი მონიტორინგი. კონსულტაციის შემდგომი მონიტორინგი ხორციელდება იმ
რესპონდენტებთან, რომლებსაც სურთ მოწევისათვის თავის დანებება და თანახმა არიან კონსულტაციის შემდგომ
უკუკავშირზე. 2022 წლის მაისიდან 2024 წლის აპრილის ჩათვლით სულ უკუკავშირისთვის ზარის განხორციელება
შესთავაზეს 436 ბენეფიციარს, 361-მა რესპონდენტმა განაცხადა თანხმობა, აქედან 289 პირთან მოხერხდა დაკავშირება. 289
ბენეფიციარიდან ზარის განხორციელების მომენტში მოწევისათვის თავის დანებება დააფიქსირა 52-მა ბენეფიციარმა,
106-მა აღნიშნა, რომ შეამცირა მოწეული ღერების რაოდენობა, 31 პირი თავად დაუკავშირდა ცხელი ხაზს მადლობის
ნიშნად და განაცხადა, რომ თავი დაანება მოწევას.
პატივისცემით,
საჯარო ინფორმაციის გაცემაზე პასუხისმგებელი პირი
![](./foiextract20240619-3232-8r5o8u-N_N.png)
იურიდიული სამმართველოს უფროსი
ლალი ებანოიძე