საქართველოს იუსტიციის სამინისტროს ანგარიში
ინფორმაციის თავისუფლების შესახებ
2016 წელი
„საქართველოს ზოგადი ადმინისტრაციული კოდექსის“ 49-ე მუხლის შესაბამისად,
წარმოგიდგენთ საქართველოს იუსტიციის სამინისტროში საჯარო ინფორმაციის გაცემის
მოთხოვნით შემოსული განცხადებებისა და მათზე რეაგირების, ასევე, დაცული
პერსონალური მონაცემების შეგროვების, დამუშავების, შენახვისა და სხვისთვის გადაცემის
შესახებ 2016 წლის ანგარიშს:
ა) საქართველოს იუსტიციის სამინისტროში 2016 წლის განმავლობაში საჯარო
ინფორმაციის გაცემის მოთხოვნით სულ შემოვიდა 148 განცხადება, რომელთაგან
ელექტრონული ფორმით შემოსული განცხადებების რაოდენობამ შეადგინა 30 ერთეული.
„საქართველოს ზოგადი ადმინისტრაციული კოდექსისა“ და „საჯარო ინფორმაციის
ელექტრონული ფორმით მოთხოვნისა და პროაქტიულად გამოქვეყნების შესახებ“
საქართველოს მთავრობის 2013 წლის 26 აგვისტოს №219 დადგენილების მოთხოვნების
შესაბამისად, საჯარო ინფორმაციის შესახებ მოთხოვნების იუსტიციის სამინისტროში
ელექტრონული ფორმით წარმოდგენა უზრუნველყოფილია საქართველოს იუსტიციის
სამინისტროს მმართველობის სფეროში მოქმედი საჯარო სამართლის იურიდიული პირის −
„მონაცემთა გაცვლის სააგენტოს“ − მიერ ადმინისტრირებული ვებგვერდის (MY.GOV.GE)
მეშვეობით.
რაც შეეხება საჯარო ინფორმაციაში შესწორების შეტანის მოთხოვნათა რაოდენობას, 2016
წლის განმავლობაში მსგავსი მოთხოვნის არცერთი შემთხვევა არ არის დაფიქსირებული.
ბ) საანგარიშო პერიოდის განმავლობაში საჯარო ინფორმაციის გაცემის მოთხოვნით
საქართველოს იუსტიციის სამინისტროში შემოსული განცხადებებიდან,
● 43 შემთხვევაში
მათში
მითითებული
საკითხები
მიეკუთვნებოდა
სხვა
ადმინისტრაციული ორგანოს უფლებამოსილების სფეროს და, შესაბამისად, განცხადებები
გადაეგზავნა უფლებამოსილ ადმინისტრაციულ ორგანოს;
● იმ განცხადებებიდან, რომლებიც განეკუთვნებოდა იუსტიციის სამინისტროს
კომპეტენციას (105), საჯარო ინფორმაცია
√ გაიცა და, შესაბამისად, მოთხოვნა დაკმაყოფილდა 64 შემთხვევაში;
√ 2 შემთხვევაში მოთხოვნა დაკმაყოფილდა ნაწილობრივ;
√ 34 განცხადებაზე მიმდინარეობს ინფორმაციის მოძიება/დამუშავება;
√ 5 შემთხვევაში მიღებულ იქნა გადაწყვეტილება საჯარო ინფორმაციის გაცემის
მოთხოვნის დაკმაყოფილებაზე უარის თქმის შესახებ.
ამასთან, მნიშვნელოვანია, რომ სამინისტროში შემოსული განცხადებები, უმეტესწილად,
შეიცავდა საჯარო ინფორმაციის ერთზე მეტ, ხშირ შემთხვევაში კი − მრავალ მოთხოვნას.
საჯარო ინფორმაციის მოთხოვნით იუსტიციის სამინისტროში შემოსული განცხადებების
საერთო რაოდენობიდან 43 შემთხვევაში დაინტერესებული პირი იყო მოქალაქე, 62
შემთხვევაში − არასამთავრობო ორგანიზაცია, 20 შემთხვევაში განმცხადებელს მითითებული
ჰქონდა, რომ წარმოადგენდა სხვადასხვა მედიასაშუალებას, 7 მოთხოვნა შემოვიდა სხვა
საჯარო დაწესებულებიდან, 1 − პოლიტიკური პარტიიდან, 14 მოთხოვნა გამოიგზავნა
თავისუფლების აღკვეთის დაწესებულებაში განთავსებულ პირთა მიერ.
საანგარიშო პერიოდის განმავლობაში საჯარო ინფორმაციის ხელმისაწვდომობის
უზრუნველყოფაზე პასუხისმგებელ პირს წარმოადგენდა ადმინისტრაციის (დეპარტამენტი)
მრჩეველი (საჯარო ინფორმაციის ხელმისაწვდომობის უზრუნველყოფაზე პასუხისმგებელი
პირი) თამთა ფეტვიაშვილი. შესაბამისად, გადაწყვეტილებები მოთხოვნის დაკმაყოფილებისა
თუ დაკმაყოფილებაზე უარის თქმის შესახებ მიღებულ იქნა მითითებული პასუხისმგებელი
პირის მიერ, გარდა 7 მოთხოვნისა, რომლებიც განიხილა და შესაბამისი გადაწყვეტილება
მიიღო საქართველოს იუსტიციის სამინისტროს ადმინისტრაციის (დეპარტამენტის)
უფროსმა ნათია ჩირიკაშვილმა.
გ) სამინისტროს ცენტრალური აპარატის ცალკეული სტრუქტურული ერთეული მათთვის
დებულებით დაკისრებული საჯარო უფლებამოსილების ფარგლებში ახორციელებდა
პერსონალური მონაცემების შეგროვებას, დამუშავებასა და შენახვას. სამინისტროში
პერსონალური მონაცემები დაცულია როგორც ელექტრონული, ისე მატერიალური სახით.
საქართველოს იუსტიციის სამინისტროს დოკუმენტბრუნვის ელექტრონულ სისტემაში (დეს)
ინახება ელექტრონული ფორმით არსებული პერსონალური მონაცემები, რომლებსაც
განმცხადებლები უთითებენ მათ მიერ წარმოდგენილ განცხადებებში. აღნიშნულ
მონაცემებზე წვდომა აქვთ მხოლოდ იმ თანამდებობის პირებს, რომლებსაც, მათი
სამსახურებრივი საქმიანობიდან გამომდინარე, მინიჭებული აქვთ ამგვარი მონაცემების
დამუშავებისა და შეგროვების უფლებამოსილება. დოკუმენტბრუნვის ელექტრონულ
სისტემაში არსებული პერსონალური მონაცემების უსაფრთხოება უზრუნველყოფილია
შესაბამისი ინფორმაციულ-ტექნოლოგიური საშუალებებით, რაც, თავის მხრივ, გამორიცხავს
არაუფლებამოსილი პირებისათვის პერსონალურ მონაცემებზე წვდომას.
საანგარიშო პერიოდში სამინისტროს სხვადასხვა სტრუქტურული ერთეულის მიერ
პერსონალური მონაცემების გაცემა ხორციელდებოდა მხოლოდ „საქართველოს ზოგადი
ადმინისტრაციული
კოდექსითა“
და
„პერსონალურ
მონაცემთა
დაცვის
შესახებ“
საქართველოს კანონით დადგენილ შემთხვევებში და კანონით გათვალისწინებული
საფუძვლებით.
დ) საქართველოს იუსტიციის სამინისტროს თანამშრომლების მხრიდან საანგარიშო
პერიოდის განმავლობაში არ გამოვლენილა „საქართველოს ზოგადი ადმინისტრაციული
კოდექსის“ მე-3 თავის მოთხოვნათა დარღვევისა და ამ საფუძვლით პასუხისმგებელ პირზე
დისციპლინური სახდელების დადების ფაქტები.
ე) საჯარო ინფორმაციის გაცემაზე უარის თქმისას ან/და საჯარო ინფორმაციის გაცემის
მოთხოვნის
ნაწილობრივ
დაკმაყოფილების
შესახებ
გადაწყვეტილების
მიღებისას
სამინისტრო ეყრდნობოდა „საქართველოს კონსტიტუციასა“ და „საქართველოს ზოგად
ადმინისტრაციულ
კოდექსს“,
ასევე, „პერსონალურ
მონაცემთა
დაცვის
შესახებ“
საქართველოს კანონისა და „საქართველოს იუსტიციის სამინისტროს დებულების
დამტკიცების შესახებ“ საქართველოს მთავრობის 2013 წლის 30 დეკემბრის №389
დადგენილების მოთხოვნებს.
საჯარო ინფორმაციის გაცემის თაობაზე გადაწყვეტილებების დაკმაყოფილებაზე უარის
თქმა ეფუძნებოდა შემდეგ გარემოებებს:
● განცხადებით მოთხოვნილი ინფორმაცია საქართველოს იუსტიციის სამინისტროში
დაცული არ იყო (2 შემთხვევა);
● განცხადებით მოთხოვნილი ინფორმაცია არ წარმოადგენდა „საქართველოს ზოგადი
ადმინისტრაციული კოდექსის“ მე-2 მუხლის პირველი პუნქტის „მ“ ქვეპუნქტით
განსაზღვრულ საჯარო ინფორმაციას (3 შემთხვევა).
ვ) 2016 წლის განმავლობაში იუსტიციის სამინისტროს მიერ საჯარო ინფორმაციის
გაცემასთან დაკავშირებით დაფიქსირდა:
● 1 ადმინისტრაციული საჩივარი, რომელიც განხილვის ეტაპზეა;
● სასამართლო წესით გასაჩივრების 2 ფაქტი:
√ „საქართველოს სამოქალაქო საპროცესო კოდექსის“ 831-ე მუხლის საფუძველზე, 1
საქმესთან დაკავშირებით მოსარჩელემ გამოიხმო სარჩელი, რაც, ამავე კოდექსის 275-ე
მუხლის „ვ“ ქვეპუნქტის შესაბამისად, გახდა სარჩელის განუხილველად დატოვების
საფუძველი;
√ „საქართველოს ადმინისტრაციული საპროცესო კოდექსის“ 26-ე პრიმა მუხლის მე-3
ნაწილის საფუძველზე, „საქართველოს სამოქალაქო საპროცესო კოდექსის“ 276-ე მუხლის
შესაბამისად, 1 საქმესთან დაკავშირებით სასამართლოს მიერ გამოტანილ იქნა განჩინება
სარჩელის განუხილველად დატოვების შესახებ.
აქვე წარმოგიდგენთ ცნობებს იმ 2 საქმესთან დაკავშირებით, რომლებიც 2015 წლის
ანგარიშში ასახული იყო, როგორც იმ ეტაპისთვის სასამართლო წარმოებაში არსებული
დავები, და შედეგები დადგა 2016 წლის განმავლობაში:
● სასამართლოს მიერ სარჩელი არ დაკმაყოფილდა 2 საქმესთან დაკავშირებით:
√ ერთ საქმესთან დაკავშირებით, რომელიც 2015 წლის 10 დეკემბრის მდგომარეობით,
იხილებოდა სააპელაციო სასამართლოში, სააპელაციო საჩივარი არ დაკმაყოფილდა, ხოლო
საკასაციო საჩივარი მიჩნეულ იქნა დაუშვებლად 2016 წლის 18 თებერვლის განჩინებით.
შესაბამისად, ძალაში დარჩა სარჩელის დაკმაყოფილებაზე უარის შესახებ საქალაქო
სასამართლოს გადაწყვეტილება;
√ ერთ საქმესთან დაკავშირებით კი, რომელზეც 2015 წლის 10 დეკემბრის მდგომარეობით,
სასამართლო სხდომა არ იყო დანიშნული, სასამართლოს 2016 წლის 11 მაისის
გადაწყვეტილებით
სარჩელი
არ
დაკმაყოფილდა,
რაც
გასაჩივრდა
სააპელაციო
სასამართლოში. აღნიშნულ საქმეზე სხდომა დანიშნულია 2016 წლის დეკემბერში.
ზ) სამინისტროს მიერ ინფორმაციის გაცემის, აგრეთვე, საჯარო ინფორმაციის გაცემაზე
უარის თქმის შესახებ მიღებული გადაწყვეტილების გასაჩივრებასთან დაკავშირებით
საანგარიშო პერიოდში არ წარმოშობილა ხარჯები. ამასთან, ადგილი არ ჰქონია
სამინისტროსათვის მხარის სასარგებლოდ გადასახდელი თანხის დაკისრებას.
საქართველოს
იუსტიციის
მინისტრის
მოვალეობის
შემსრულებელი ალექსანდრე ბარამიძე
