*PDPS42600001572*
PDPS 4 26 00001572
11/02/2026
ბატონ ნიკოლოზ ნიკოლაძეს,
ელექტრონული ფოსტის მისამართი: xxxxxxxxxxxxxxxxxxxxxxxxx@xxxxxx.xx
xxxxxxxxxxxxxxxxxxxxxxxxx@xxxxxx.xx
xxxxxxxxxxxxxxxxxxxxxxxxx@xxxxxx.xx
ბატონო ნიკოლოზ,
პერსონალურ მონაცემთა დაცვის სამსახურმა (შემდგომ - სამსახური) განიხილა 2026 წლის 9
თებერვლის (სამსახურში რეგისტრირებული: №PDPS 3 26 00001409) და 10 თებერვლის
მომართვები (სამსახურში რეგისტრირებული: №PDPS 9 26 00001478 და №PDPS 0 26 00001532),
რომლითაც საჯარო მოხელის შეფასების ფარგლებში (საგარეო საქმეთა სამინიტროს მიერ)
დოკუმენტაციის თქვენთვის მოწოდებისას, საჯარო დაწესებულებებში განცხადების
წარსადგენად კვალიფიციური ელექტრონული ხელმოწერით/შტამპით დამოწმების
მოთხოვნისას, ასევე კონკრეტულ საარჩევნო უბანზე ამომრჩევლის აქტიური სტატუსით
არამართებულად მითითებით „პერსონალურ მონაცემთა დაცვის შესახებ“ საქართველოს
კანონის შესაძლო დარღვევის არსებობასთან დაკავშირებით ითხოვთ საჯარო ინფორმაციის
გაცემას ან კონსულტაციის გაწევას.
როგორც თქვენთვის ცნობილია, საჯარო ინფორმაციაა ოფიციალური დოკუმენტი (მათ
შორის, ნახაზი, მაკეტი, გეგმა, სქემა, ფოტოსურათი, ელექტრონული ინფორმაცია, ვიდეო- და
აუდიოჩანაწერები), ანუ საჯარო დაწესებულებაში დაცული, აგრეთვე საჯარო
დაწესებულების ან მოსამსახურის მიერ სამსახურებრივ საქმიანობასთან დაკავშირებით
მიღებული, დამუშავებული, შექმნილი ან გაგზავნილი ინფორმაცია, ასევე საჯარო
დაწესებულების მიერ პროაქტიულად გამოქვეყნებული ინფორმაცია.[1] თქვენ მომართვებში
მითითებული საკითხების შინაარსი არ ექცევა საჯარო ინფორმაციის ზემოაღნიშნულ
დეფინიციაში, შესაბამისად, სამსახური მოკლებულია აღნიშნულ ჭრილში მათი განხილვის
შესაძლებლობას.
როგორც თქვენთვის ასევე ცნობილია, მომართვებში აღწერილი შემთხვევების
კანონშესაბამისობის დასადგენად საჭიროა სამსახურის მიერ მონაცემთა დამუშავების
კანონიერების შესწავლის პროცედურის განხორციელება. საკონსულტაციო ფორმატი არ
გულისხმობს მონაცემთა დამუშავებისთვის პასუხისმგებელი პირის/დამუშავებაზე
უფლებამოსილი პირის მიერ მონაცემთა დამუშავების პროცესთან დაკავშირებული
საკითხების წინმსწრებად შეფასებას და თითოეული დამუშავებისთვის პასუხისმგებელი
პირი თავად იღებს გადაწყვეტილებას პერსონალურ მონაცემთა დამუშავებასთან
დაკავშირებულ საკითხებზე. მონაცემთა დამუშავების კანონშესაბამისობის დადგენა
მონაცემთა დამუშავების კანონიერების შესწავლის კომპონენტს წარმოადგენს და სამსახურის
უფროსის 2024 წლის 1 მარტის №34 ბრძანებით დამტკიცებული „პერსონალურ მონაცემთა
დამუშავების კანონიერების შესწავლის წესის“ თანახმად, ინსპექტირების/შემოწმების
შედეგად გამოვლენილი ფაქტობრივი გარემოებების შეფასების საგანია, რასაც იმ პირობებში
შეიძლება ჰქონდეს ადგილი, როდესაც სახეზეა პერსონალურ მონაცემთა დამუშავების
კონკრეტული ფაქტი (და არა ჰიპოთეტური ხდომილება). სამსახურის მიერ მონაცემთა
დამუშავების კანონიერების შესწავლა გულისხმობს მონაცემთა დამუშავების საფუძვლების
არსებობის, მონაცემთა დამუშავების პრინციპების დაცვის, მონაცემთა უსაფრთხოების
დაცვისათვის
მიღებული
ორგანიზაციული
ან/და
ტექნიკური
ზომებისა
და
განხორციელებული პროცედურების საქართველოს კანონმდებლობით დადგენილ
მოთხოვნებთან შესაბამისობის, კანონის III თავით გათვალისწინებული მონაცემთა
სუბიექტის უფლებების და ინფორმირების წესების დაცვის კანონით დადგენილი
ვალდებულების შესრულების დადგენას და სხვ. ყოველივე ზემოაღნიშნულის წინაპირობად
კი, როგორც უკვე აღინიშნა, დამუშავების უკვე განხორციელებული პროცესი გვევლინება.
შესაბამისად, თუ თვლით, რომ თქვენს შესახებ არსებული პერსონალური მონაცემები
ზემოხსენებულ მომართვებში აღწერილ შემთხვევებში უკანონოდ დამუშავდა/მუშავდება,
თქვენი, როგორც მონაცემთა სუბიექტის პერსონალური მონაცემების უკანონოდ დამუშავების
ფაქტთან დაკავშირებით, შეგიძლიათ სამსახურს მომართოთ განცხადებით, როგორც
წერილობითი (პერსონალურ მონაცემთა დაცვის სამსახური (მის.: თბილისი, ვაჩნაძის ქ. №7;
ქ. ბათუმი, ბაქოს ქუჩა №48)), ასევე ელექტრონული ფორმით (იხ. განცხადების ფორმა: https://
pdps.ge/ka/content/1048/gancxadebis-forma. ხელმოწერილი და დასკანერებული/ფოტოსურათის
სახით მისამართზე - xxxxxx@xxxx.xx), ან გამოაგზავნოთ შეტყობინება მონაცემთა უკანონო
დამუშავების ფაქტთან დაკავშირებით ელექტრონული პლატფორმის გამოყენებით: https://pd
ps.ge/ka/content/1049/Setyobinebis-gamogzavna.
პატივისცემით,
[1] საქართველოს ზოგადი ადმინისტრაციული კოდექსის მე-2 მუხლის პირველი ნაწილის „მ“
ქვეპუნქტი
ლიკა კობალაძე
დეპარტამენტის უფროსი
იურიდიული დეპარტამენტი
პერსონალურ მონაცემთა დაცვის სამსახური
