19 თებერვალი 2026
NCDC 5 26 00220010
მოქალაქე გიორგი გოცაძეს
(მის.: ლადო კავსაძის N3, ოფისი 5; მობ.: 599501075)
ბატონო გიორგი,
სსიპ - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნულმა
ცენტრმა (შემდგომში-ცენტრი) განიხილა თქვენი მიმდინარე წლის 2 თებერვლის # 120132 განცხადება, რომელშიც
მოთხოვნილია ინფორმაცია „დავადებათა ადრეული გამოვლენისა და სკრინინგის“ სახელმწიფო პროგრამის „კიბოს
სკრინინგის“ კომპონენტის ფარგლებში 2015-2025 წლებში ჩატარებული კვლევების შესახებ.
გიგზავნით ინფორმაციას ცენტრის კომპეტენციის ფარგლებში თანდართული დანართის შესაბამისად.
აქვე იხილეთ განმარტებები დანართით წამოდგენილ ინფორმაციასთან დაკავშირებით:
„დავადებათა ადრეული გამოვლენისა და სკრინინგის“ სახელმწიფო პროგრამის „კიბოს სკრინინგის“ კომპონენტის
ფარგლებში სკრინინგული კვლევები უტარდებათ საქართველოს სხვადასხვა რეგიონის მოსახლეობას (თბილისში
რეგისტრირებული მოქალაქეების გარდა).
1. საშვილოსნოს ყელის კიბოს სკრინინგი:
2015-2023 წ.წ. ტარდებოდა მხოლოდ PAP-ტესტირება 25-60 წლის ქალებში;
2025 წლის მაისის თვიდან: PAP-ტესტირება ტარდება მხოლოდ 25-29 წლის ქალებში, ხოლო 30-60 წლის ქალებში
ტარდება HPV-ტესტირება.
2. შედეგების განმარტებები:
ძუძუს კიბოს სკრინინგი -
BIRADS - არის მამოგრამების შეფასების სისტემა.
- BIRADS 3-4 არის ავთვისებიან სიმსივნეზე საეჭვო; საჭიროებს დინამიკაში დაკვირვებას;
- BIRADS 5-6 არის ავთვისებიანი სიმსივნე.
ცხრილში მოცემულია შედეგები მარჯვენა (DEXSTRA) და მარცხენა (SINISTRA) ძუძუსთვის ცალ-ცალკე.
საშვილოსნოს ყელის კიბოს სკრინინგი - ციტოლოგიური კვლევებით:
„დაზიანებები, რომლებმაც შეიძლება გამოიწვიოს კიბო“ - შედის როგორც ბრტყელუჯრედოვანი, ასევე ჯირკვლოვანი
დაზიანებები, რომლებიც საჭიროებენ დინამიკაში დაკვირვებასა და მკურნალობას.
CIN 2-3 - მაღალი ხარისხის დაზიანება ან carcinoma in situ;
Cr - ავთვისებიანი სიმსივნე;
PAP - ტესტირებისას ტარდება ნაცხის ციტოლოგიური გამოკვლევა;
HPV - ტესტირების შემდეგ სითხეზე დაფუძნებული ციტოლოგიური კვლევა ტარდება მხოლოდ ტესტის დადებითი
პასუხის შემთხვევაში.
პათოლოგიის გამოვლენისას დამატებით ტარდება კოლპოსკოპია (საჭიროების შემთხვევაში - ბიოფსია და მასალის
ჰისტო-მორფოლოგიური კვლევა)
კოლორექტული კიბოს სკრინინგი:
ტარდება FOBT-ტესტი - კვლევა ფარულ სისხლდენაზე. დადებითი პასუხის შემთხვევაში ტარდება კოლონოსკოპია
(საჭიროების შემთხვევაში - ბიოფსია და მასალის ჰისტო-მორფოლოგიური კვლევა).
პროსტატის კიბოს მართვა:
ტარდება მხოლოდ - პროსტატის სპეციფიური ანტიგენის (PSA ) განსაზღვრა სისხლში. მომატების შემთხვევაში, პაციენტი
იგზავნება საკონსულტაციოდ სპეციალიზირებულ სამედიცინო დაწესებულებაში.
პატივისცემით,
საჯარო ინფორმაციის გაცემაზე პასუხისმგებელი პირი
იურიდიული სამმართველოს უფროსი
ლალი ებანოიძე
