26 ნოემბერი 2025
MOH 3 25 01352771
მოქალაქე ნიკოლოზ ნიკოლაძეს
xxxxxxxxxxxxxxxxxxxxxxxxx@xxxxxx.xx
ბატონო ნიკოლოზ,
საქართველოს ოკუპირებული ტერიტორიებიდან დევნილთა, შრომის, ჯანმრთელობისა და
სოციალური დაცვის სამინისტრომ განიხილა მიმდინარე წლის 3 ნოემბრის თქვენი
№1238124 განცხადება, რომლის პასუხად გაცნობებთ, რომ საქართველოს მთავრობის 2022
წლის 13 ივლისის №1254 "უკრაინაში მიმდინარე საომარი მოქმედებების გამო
საქართველოში შემოსული უკრაინის მოქალაქეთა და უკრაინაში მუდმივი ცხოვრების
უფლების მქონე პირთათვის სოციალურ-ეკონომიკური მხარდაჭერის ღონისძიებების
შესახებ" განკარგულების ფარგლებში, დახმარებას ყოველთვიურად იღებს (ოჯახზე 300
ლარი, 45 ლარი პირზე ინდივიდუალურად) დაახლოებით 2450 ოჯახი (4500 პირი).
სააგენტო ასევე ხელმძღვანელობს საქართველოს ოკუპირებული ტერიტორიებიდან
დევნილთა, შრომის, ჯანმრთელობისა და სოციალური დაცვის მინისტრის 28.07.2022 წლის
ბრძანება №MOH 6 22 00000084-ის შესაბამისად უკრაინაში მიმდინარე საომარი
მოქმედებების გამო საქართველოში შემოსული უკრაინის მოქალაქეთა და უკრაინაში
მუდმივი ცხოვრების უფლების მქონე პირთათვის სოციალურ- ეკონომიკური მხარდაჭერის
მიზნით შესაბამისი პროცედურების, ძირითადი და დამატებითი კრიტერიუმების
დამტკიცების შესახებ.
ასევე გაცნობებთ, რომ სსიპ დევნილთა, ეკომიგრანტთა და საარსებო წყაროებით
უზრუნველყოფის სააგენტო ახორციელებს "საქართველოში მცხოვრებ უცხოელთა
ინტეგრაციის მხარდაჭერის სახელმწიფო პროგრამა"-ს (დანართი №1). პროგრამის
ფარგლებში ხდება გამოკვეთილი სამედიცინო საჭიროების მქონე საერთაშორისო დაცვის
მქონე და საქართველოში სტატუსის მქონე მოქალაქეობის არმქონე პირთათვის მწვავე,
ქრონიკული ან/და სიცოცხლისთვის საშიში დაავადებების დროს საჭირო სამედიცინო
სერვისით უზრუნველყოფა, მათ შორის ოპერაციების, ანალიზების, გამოკვლევების,
მედიკამენტოზური მკურნალობის და სხვა საჭიროებების დაფინანსება/თანადაფინანსება,
ასევე, ფსიქო-სოციალური რეაბილიტაცია. პროგრამის ფარგლებში აღნიშნული სერვისით
ისარგებლა 22-მა უკრაინის მოქალაქემ, რაზეც ბიუჯეტიდან დაიხარჯა 18 500 ლარზე
მეტი. ფსიქო-სოციალური რეაბილიტაციის კომპონენტისთვის უკრაინის მოქალაქეებს არ
მიუმართავთ.
სსიპ ჯანმრთელობის ეროვნული სააგენტოს მიერ ადმინისტრირებადი, ჯანმრთელობის
დაცვის სახელმწიფო პროგრამების მოსარგებლეები, საქართველოს მოქალაქეების გარდა,
ძირითადად, არიან პირადობის ნეიტრალური მოწმობის, ნეიტრალური სამგზავრო
დოკუმენტის მქონე პირები ან აფხაზეთის ავტონომიური რესპუბლიკის ტერიტორიებსა და
ცხინვალის რეგიონში (ყოფილი სამხრეთ ოსეთის ავტონომიური ოლქის ტერიტორიებზე)
ლეგიტიმურად
მცხოვრები
ფიზიკური
პირები,
რომლებიც
საქართველოს
კანონმდებლობით დადგენილი წესით არიან რეგისტრირებულნი და რომლებსაც
მინიჭებული აქვთ პირადი ნომერი, ასევე, საქართველოში სტატუსის მქონე მოქალაქეობის
არმქონე პირები, საქართველოში თავშესაფრის მაძიებელი პირები, ლტოლვილის ან
ჰუმანიტარული სტატუსის მქონე პირები, ხოლო ზოგიერთი პროგრამის/კომპონენტის
(ინფექციური დაავადებების მართვა, აივ ინფექციის/შიდსის მართვა, ნარკომანიით
დაავადებულ პაციენტთა მკურნალობა, ფსიქიკური ჯანმრთელობა, იშვიათი დაავადებების
მქონე და მუდმივ ჩანაცვლებით მკურნალობას დაქვემდებარებულ პაციენტთა
მკურნალობა, ტუბერკულოზის მართვა) ფარგლებში, მოსარგებლეებად მიიჩნევიან ასევე,
საქართველოში მყოფი, მ.შ. მუდმივად მცხოვრები უცხო ქვეყნის მოქალაქეები.
საქართველოს მთავრობის დადგენილებით ყოველწლიურად განახლებული ე.წ.
„მიზნობრივი სახელმწიფო პროგრამების“ მოსარგებლე შეიძლება იყოს უკრაინის
ტერიტორიაზე საომარი მოქმედებების გამო განსახორციელებელი ღონისძიებების შესახებ“
საქართველოს მთავრობის 2022 წლის 2 მარტის №387 განკარგულებით განსაზღვრული
პირები, ამავე განკარგულებით განსაზღვრული სამედიცინო მომსახურებ(ებ)ის
ფარგლებში.
გიგზავნით, 2022 წლის თებერვლიდან 2025 წლის სექტემბრის ჩათვლით პერიოდში, ჩვენს
ხელთ არსებულ სტატისტიკურ ინფორმაციას (დანართი N2):
- სსიპ სახელმწიფო სერვისების განვითარების სააგენტოს მიერ მოწოდებული მონაცემთა
ბაზების მიხედვით, ე.წ. „ბინადრობის მოწმობის“ მქონე იმ უცხოელების შესახებ,
რომლებსაც საქართველოს მთავრობის 2013 წლის 21 თებერვლის №36 დადგენილებით
დამტკიცებული „საყოველთაო ჯანმრთელობის დაცვის სახელმწიფო პროგრამის“
ფარგლებში მიღებული აქვთ სამედიცინო მომსახურება;
- საქართველოს შინაგან საქმეთა სამინისტროს მიერ მოწოდებული მონაცემების
გათვალისწინებით, უკრაინიდან საქართველოში შემოსული და საქართველოში უწყვეტად
მყოფი, უკრაინის იმ მოქალაქეების შესახებ, რომლებსაც შესაბამისი “მიზნობრივი
სახელმწიფო პროგრამების“ ფარგლებში, მიღებული აქვთ სამედიცინო სერვისი.
სსიპ - ლ. საყვარელიძის სახელობის დაავადებათა კონტროლისა და საზოგადოებრივი
ჯანმრთელობის ეროვნული ცენტრის მიერ ადმინისტრირებული ჯანმრთელობის დაცვის
სახელმწიფო პროგრამებიდან მხოლოდ „იმუნიზაციის“ სახელმწიფო პროგრამის რიგი
კომპონენტების მოსარგებლეებად განისაზღვრება უცხო ქვეყნის მოქალაქე:
„მუხლი 2. პროგრამის მოსარგებლეები
1. პროგრამის მოსარგებლეები არიან საქართველოს მოქალაქეები, საქართველოში
მუდმივად მცხოვრები პირები და ოკუპირებულ ტერიტორიაზე მცხოვრები მოსახლეობა.
2. მე-3 მუხლის „ბ“ და „გ“ ქვეპუნქტებით განსაზღვრული საქონელი, ურგენტულ
შემთხვევებში – სასიცოცხლო სამედიცინო ჩვენებით, შესაძლებელია გამოყენებულ იქნეს
საქართველოს ტერიტორიაზე მყოფ ნებისმიერ პირზე, ხოლო „ა“ ქვეპუნქტით
განსაზღვრული საქონელი − პროფილაქტიკური აცრების ეროვნული კალენდრით გეგმურ
ვაქცინაციას დაქვემდებარებულ 18 წლამდე ასაკის საქართველოს ტერიტორიაზე 3 თვეზე
მეტი ხნის მანძილზე ლეგალურად მყოფ პირებზე.
3. მოსარგებლე ამ პროგრამით გათვალისწინებულ მომსახურებას იღებს სახელმწიფო
დახმარების სახით.“
,,რეფერალური მომსახურების სახელმწიფო პროგრამის“ ფარგლებში უკრაინელი
მოქალაქეების სამედიცინო სერვისების დაფინანსების საკითხის განხილვა ხორციელდება
საქართველოს მთავრობის N387 2/03/2022წ; N602 5/04/2022წ. და N1933 30/12/2024წ.
განკარგულებების მოთხოვნათა შესაბამისად, რაც გულისხმობს უკრაინის ტერიტორიაზე
საომარი მოქმედებების გამო 2022 წლის 1 თებერვლიდან 1 ნოემბრის ჩათვლით
საქართველოში შემოსული და საქართველოში უწყვეტად მყოფი უკრაინის
მოქალაქეებისთვის გადაუდებელი საჭიროების სამედიცინო სერვისების- გადაუდებელი
ამბულატორიული და სტაციონარული სერვისების, გადაუდებელი იმუნიზაციიის, ასევე,
მშობიარობის და საკეისრო კვეთის ხარჯების დაფინანსებას. ამ განკარგულების
მიზნებისთვის, უწყვეტად ყოფნაში ჩაითვლება ის შემთხვევებიც, როცა პირმა გადაკვეთა
საქართველოს სახელმწიფო საზღვარი და უკან დაბრუნდა არაუმეტეს 3 (სამი) დღის
ვადაში).
დაწვრილებითი ინფორმაცია 2022-2025წ.წ პერიოდში უკრაინელი მოქალაქეებისთვის
,,რეფერალური მომსახურების სახელმწიფო პროგრამის“ფარგლებში გამოყოფილი
დაფინანსების მოცულობის შესახებ თან ერთვის (დანართი N3).
ასევე გაცნობებთ, რომ ფსიქიკური ჯანმრთელობის შესახებ საქართველოს კანონის მე-2
მუხლის შესაბამისად, კანონის მოქმედება ვრცელდება საქართველოს მოქალაქეებზე,
მოქალაქეობის არმქონე პირებსა და უცხო ქვეყნის მოქალაქეებზე, რომლებიც იმყოფებიან
საქართველოს ტერიტორიაზე და საჭიროებენ ფსიქიატრიულ დახმარებას.
საქართველოში მყოფი უცხო ქვეყნის მოქალაქეები და საქართველოში მუდმივად
მცხოვრები მოქალაქეობის არმქონე პირები, რომლებსაც ესაჭიროებათ არანებაყოფლობითი
მომსახურება, სარგებლობენ ფსიქიკური ჯანმრთელობის სახელმწიფო პროგრამის
(მოქმედებს 1996 წლიდან და მტკიცდება ყოველწლიურად) ფსიქიატრიული
სტაციონარული მომსახურებით.
თუ ექიმ-ფსიქიტრთა კომისია დაასკვნის, რომ უცხო ქვეყნის მოქალაქისთვის
აუცილებელია არანებაყოფლობითი სტაციონარული ფსიქიატრიული დახმარება,
ფსიქიატრიული
დაწესებულების
ადმინისტრაცია
მიმართავს
სასამართლოს
არანებაყოფლობითი ფსიქიატრიული დახმარების მიზნით პაციენტის სტაციონარში
მოთავსების შესახებ შესაბამისი ბრძანების გამოცემის მოთხოვნით პირის სტაციონარში
მოთავსებიდან 48 საათში. კომისიის გადაწყვეტილების შესახებ დაუყოვნებლივ უნდა
ეცნობოს პაციენტს და შესაბამის დიპლომატიურ წარმომადგენლობას.
პატივისცემით,
საჯარო ინფორმაციის გაცემაზე პასუხისმგებელი პირი,
სამმართველოს უფროსი, მეორადი სტრუქტურული
ერთეულის ხელმძღვანელი
ანა დარახველიძე
