N გ-25-03/2475
2475-გ-25-03-2-202510161304
16/10/2025
მოქალაქე ნატო ნემსაძეს
საქართველოს კომუნიკაციების ეროვნულ კომისიაში (შემდგომში „კომისია“) შემოსულია თქვენი
განცხადება (06.09.2025 Nშ-25-9/4193) საჯარო ინფორმაციის გაცემის მოთხოვნით. თქვენს მიერ
გამოთხოვილია ინფორმაციაა 2010 წლიდან დღემდე ექვსი მაუწყებლისთვის: (შპს „ტელეიმედი“,
შპს „მთავარი არხი“ (დაარსების წლიდან, 2019) შპს „ფორმულა“ (დაარსების წლიდან, 2019) შპს „ტვ
პირველი“ სს „მედია ჰოლდინგი“ (ბრენდული სახელწოდება „რუსთავი 2“) და შპს „პოსტივი“)
დაკისრებული ჯარიმების შესახებ, ამასთან, ინფორმაცია გამოთხოვილია ჩაშლილად წლების
მიხედვით თითოეული მაუწყებლისთვის, დაჯარიმების მიზეზის, რაოდენობის, დაჯარიმების
თარიღისა და მაუწყებლის მხრიდან ჯარიმის გადახდის თაობაზე ინფორმაციის მითითებით, Excel
ფაილის ფორმატში.
საქართველოს ზოგადი ადმინისტრაციული კოდექსის მე-2 მუხლის პირველი ნაწილის მ)
ქვეპუნქტის შესაბამისად, საჯარო ინფორმაცია არის ოფიციალური დოკუმენტი (მათ შორის,
ნახაზი, მაკეტი, გეგმა, სქემა, ფოტოსურათი, ელექტრონული ინფორმაცია, ვიდეო- და
აუდიოჩანაწერები), ანუ საჯარო დაწესებულებაში დაცული, აგრეთვე საჯარო დაწესებულების ან
მოსამსახურის მიერ სამსახურებრივ საქმიანობასთან დაკავშირებით მიღებული, დამუშავებული,
შექმნილი ან გაგზავნილი ინფორმაცია, ასევე საჯარო დაწესებულების მიერ პროაქტიულად
გამოქვეყნებული ინფორმაცია;
გაცნობებთ, რომ სასამართლო საქმეების თაობაზე ინფორმაცია თქვენს მიერ გამოთხოვილი სახით
კომისიაში არ არის დაცული, ვინაიდან კომისიას არ გააჩნია აღნიშნული სახით ინფორმაციის
დამუშავების ვალდებულება. გაცნობებთ, რომ მაუწყებლის დაჯარიმების თაობაზე, კომისია
ღებულობს გადაწყვეტილებას და კომისიის ყველა გადაწყვეტილება, რომელიც მიღებულია დღიდან
კომისიის დაარსებისა, გამოქვეყნებულია კომისიიის ოფიციალურ ვებგვერდზე www.comcom.ge,
გადაწყვეტილებების განყოფილებაში: https://www.comcom.ge/ge/legal-acts/solutions. ამასთან
აღნიშნული ინფორმაცია თქვენს მიერ გამოთხოვილი ფორმის მსგავსი სახით (თუმცა არა ზუსტად
იმ სახით), ნებაყოფლობით დამუშავებული აქვს კომისიას 2014, 2015, 2016, 2017, 2018, 2019, 2020,
2021, 2022, 2023, 2024 წლების საქმიანობის ანგარიშების მომზადებისას, რომელიც სრულად არის
ასახული აღნიშნული წლიური საქმიანობის ანგარიშებში (ადმინისტრაციული პასუხისმგებლობის
დაკისრების თაობაზე ქვეთავში). კომისიის წლიური ანგარიშები ასევე განთავსებულია კომისიის
ვებგვერდზე: https://www.comcom.ge/ge/the-commission/annual-report.
კომისია არ არის ვალდებული დაამუშავოს ინფორმაცია იმ სახით, რა სახითაც თქვენ გაქვთ
გამოთხოვილი, მით უფრო, რომ აღნიშნული მოცულობითი სამუშაოს შესრულება მოითხოვს
საჯარო ინფორმაციის გასაცემად საქართველოს ზოგადი ადმინისტრაციული კოდექსის მე-40
მუხლის პირველი ნაწილით განსაზღვრულ 10 დღიან ვადაზე (აღნიშნული ვადის გაგრძელებას
კანონმდებლობა არ ითვალისწინებს) ბევრად მეტ დროს, რომლის პარალელურად კომისიის
აპარატის შესაბამისი თანამშრომლების მიერ შეუძლებელი იქნება მათზე დაკისრებული ისეთი
სამსახურებრივი დავალებების შესრულება, რაც კომისიის უშუალო ფუნქციებსა და
ვალდებულებებს წარმოადგენს.
საქართველოს უზენაესი სასამართლოს დამკვიდრებული ერთგვაროვანი პრაქტიკის თანახმად
(მაგალითისთვის იხ. სუს 2010 წლის 5 ივლისის ბს-1278-1240 (კ-08), 2017 წლის 26 სექტემბრის Nბს-
494-491(კ-17) გადაწყვეტილებები) „ინფორმაციის გაცემის ვალდებულება არსებობს მაშინ, თუ მას
გააჩნია მატერიალური ხასიათი და დაცულია საჯარო დაწესებულებაში, ამასთან, მისი ამ სახით
მოძიებისა და შექმნის ვალდებულება უნდა გააჩნდეს კონკრეტულ საჯარო დაწესებულებას“.
ყოველივე ზემოაღნიშნულის გათვალისწინებით, საქართველოს კომუნიკაციების ეროვნული
კომისია მოკლებულია შესაძლებლობას გასცეს თქვენს მიერ მოთხოვნილი ინფორმაცია თქვენს
მიერვე მოთხოვნილი სახით.
ვახტანგ აბაშიძე
წევრი
საქართველოს კომუნიკაციების ეროვნული კომისია
2
