*MIA42501941377*
24/06/2025
MIA 4 25 01941377
მოქალაქე ნინიკო იმერლიშვილს
ელექტრონული ფოსტის მისამართი:
xxxxxxxxxxxxxxxxxxxxxxxxx@xxxxxx.xx
xxxxxxxxxxxxxxxxxxxxx@xxxxxx.xx
ქალბატონო ნინიკო,
2025 წლის №1914177 და №1914433 წერილების პასუხად გაცნობებთ, რომ საქართველოს
შინაგან საქმეთა სამინისტროს (შემდგომში - სამინისტრო) საინფორმაციო-ანალიტიკურ
დეპარტამენტში მონაცემების დამუშავება წარმოებს, საქართველოს სისხლის სამართლის
კოდექსისა და საქართველოს ადმინისტრაციულ სამართალდარღვევათა კოდექსის
მუხლებისა და არა სისხლის სამართლის საქმეში არსებული ნებისმიერი სტატუსის მქონე
სუბიექტ(ებ)ისა ან/და სამართალდარღვევის გარემოებათა მიხედვით.
ამასთან, გაცნობებთ, რომ სამინისტრო აღრიცხვიანობისა და კომპეტენციის ფარგლებში,
სტატისტიკურ მონაცემებს ამუშავებს „საქართველოს შინაგან საქმეთა სამინისტროს
სისტემაში ზოგიერთი სტატისტიკური მონაცემების წარმოების წესის დამტკიცების შესახებ“
საქართველოს შინაგან საქმეთა მინისტრის 2020 წლის 9 ივლისის №1/271 ბრძანების
საფუძველზე, რომელსაც შესაბამისი პერიოდულობით აქვეყნებს სამინისტროს ოფიციალურ
ვებგვერდზე - info.police.ge (https://info.police.ge/cat?id=88).
აქვე, დამატებით განგიმარტავთ, რომ „სისხლის სამართლის საქმეთა საგამოძიებო და
ტერიტორიული საგამოძიებო ქვემდებარეობის განსაზღვრის თაობაზე“ საქართველოს
გენერალური პროკურორის 2019 წლის 23 აგვისტოს №3 ბრძანების თანახმად, საქართველოს
სისხლის სამართლის კოდექსის 154-ე მუხლით (ჟურნალისტისათვის პროფესიულ
საქმიანობაში უკანონოდ ხელის შეშლა) გათვალისწინებულ დანაშაულს იძიებს სპეციალური
საგამოძიებო სამსახური.
პატივისცემით,
ქეთევან ტყეშელაშვილი
ადმინისტრაციის (დეპარტამენტი) უფროსი
