*MES6250000606796*
02/06/2025
MES 6 25 0000606796
მოქალაქე ნინო ღვედაშვილს
ელ.ფოსტა: xxxxxxxxxxxxxxxxxxxxxxxxx@xxxxxx.xx
სსიპ - განათლების მართვის საინფორმაციო სისტემამ განიხილა თქვენი განცხადება და
დანართის სახით გიგზავნით მოთხოვნილ ინფორმაციას.
ამასთან, აღსანიშნავია, რომ საქართველოს განათლებისა და მეცნიერების 2022-2030 წლების
ერთიანი ეროვნული სტრატეგიის ერთ-ერთი პრიორიტეტული მიმართულებაა განათლებისა
და მეცნიერების სფეროებში თანასწორობის, ინკლუზიურობისა და ხარისხის უზრუნველყოფა
ბავშვზე/მოსწავლეზე/სტუდენტზე ორიენტირებული მიდგომის გამოყენებით. ყველა ადამიანს,
მიუხედავად მისი სოციალურ-ეკონომიკური სტატუსისა, საცხოვრებელი ადგილისა, ეთნიკური
კუთვნილებისა/ენისა, სპეციალური საგანმანათლებლო საჭიროებების ან შეზღუდული
შესაძლებლობისა, მთელი ქვეყნის მასშტაბით უნდა ჰქონდეს მაღალი ხარისხის
საგანმანათლებლო მომსახურებაზე წვდომა. მშობელთა აქტიური ჩართულობით ხდება
მოსწავლეთა შეფასება მულტიდისციპლინური გუნდის მიერ და ეს ხელს უწყობს ზუსტად
გამოიკვეთოს სსსმ მოსწავლის საგანმანათლებლო საჭიროება.
ასევე იმისათვის, რომ ზოგადსაგანმანათლებლო დაწესებულებებმა დროულად შეძლონ
სპეციალური საგანმანათლებლო საჭიროების მქონე მოსწავლეებისათვის შესაბამისი
საგანმანათლებლო გარემოსა და სწავლების პროცესის უზრუნველყოფა, სამინისტრომ
პირველკლასელთა რეგისტრაციის პირველ ეტაპად 2019 წლიდან განსაზღვრა სპეციალური
საგანმანათლებლო საჭიროების მქონე მოსწავლეების რეგისტრაცია, რის შედეგადაც ხდება
დარეგისტრირებული მომავალი პირველკლასელების ფსიქოსაგანმანათლებლო შეფასებისა და
კონსულტირების სპეციალისტის მიერ შეფასება და სპეციალური საგანმანათლებლო
საჭიროებების იდენტიფიცირება. აღნიშნული, სკოლას საშუალებას აძლევს, ახალი სასწავლო
წლის დაწყებამდე იცოდეს რისი უზრუნველყოფა დასჭირდება მოსწავლის საჭიროებებზე
მორგებული საგანმანათლებლო პროცესისათვის.
ცხრილში შშმ მოსწავლეების რაოდენობასთან მიმართებაში აღსანიშნავია, რომ მშობლის
განცხადების საფუძველზე მიეთითება ეს მონაცემები და შესაბამისად, გაწვდით იმ
რაოდენობას, რაც ასახულია განათლების მართვის საინფორმაციო სისტემაში.
დანართი: 1 ფაილი
პატივისცემით,
1
სსიპ-განათლების მართვის საინფორმაციო სისტემა
სისტემის უფროსი
ბერიძე დიმიტრი
2
